Weblog
Saturday, 09 August 2008
-
第一次聽到青花瓷這首歌時,完全唔知周傑倫唱緊咩,只係隱約聽到幾個字。不過首歌嘅melody就好正。
直到有一次聽劉芳翻唱,字正腔圓嘅國語,但我竟然都係聽唔明。
終於忍唔住揾左歌詞嚟睇…
素胚勾勒出青花筆鋒濃轉淡
瓶身描繪的牡丹一如你初妝
冉冉檀香透過窗心事我了然
宣紙上走筆至此擱一半色白花青的錦鯉躍然於碗底
臨摹宋帖落款時卻惦記著你
你隱藏在窯燒裏千年的秘密
極細膩猶如繡花針落地
簾外芭蕉惹驟雨門環惹銅綠.
而我路過那江南小鎮惹了你無話可說, 方文山,你係得嘅!
好一首充滿詩情畫意嘅詞,果種幽怨無奈嘅中國feel出晒嚟。難怪我呢種無文化嘅文盲听唔明。今次完全唔關周傑倫發音問題,實在係d詞太深程度, 好得。
劉芳翻唱: 另一種味道...
Monday, 04 August 2008
-
BATMAN---the dark knight
第一次睇BATMAN, 第一次係 IMAX 睇戲, 好正!! 兩樣野都無令我失望.!!
IMAX個巨型大銀幕終於俾到我睇戲ge感覺, 好震撼, 好投入. 唔再係好似係屋企睇projector feel. 雖然成舊水一張"非", 都物有所值.
至於套戲, 真係好好好....睇, 可以講係高潮疊起, 毫無泠場. 最後batman逃亡前講ge一番說話更加令到我有d感動, 令人覺得成個 batman有血有肉, 好真實.
so far 今年最好睇ge戲, BATMAN---the dark knight!
Sunday, 20 July 2008
-
三國之見龍卸甲
很久沒有試過看一套戲會媽媽聲,要中途熄機。繼十多年前的東邪西毒之後,今次終於又有幸遇見。
由見到這套戲的海報,已經大失所望。頭盔似UFO,盔甲似黑武士。唔知仲以為是星戰新版!
在一個無聊的下午,我竟然鬼迷心竅看了這隻碟,因為對MaggieQ的古裝扮相有一絲祈望。但可惜的是我等不到她出埸已經熄機了。
造型奇特由海報已經見到,但係一開埸嘅諸葛亮造型真是嚇我一跳,咁似倩女幽魂的張國榮嘅?仲要係到扒緊飯…對唔住,我真係接受唔到呢件扒緊冬瓜火腩飯嘅老版寧釆臣就係三國第一軍師諸葛亮。My God!
劇情老套已經預咗,但係犯駁,唔合理就好難頂。編劇唔知是無看過三國,還是當觀眾是白痴。常山竟然在新野附近,趙子龍竟然可以打打下仗衣錦還鄉,接受常山市民的熱烈歡迎…十分怪異; 鳳鳴山這個虛構埸景竟然同時出現在劉備棄新野逃亡,以及諸葛亮北伐的路上…一個東南,一個西北,有甚麼可能會一同出現!諗起都激氣!
真是一套好垃圾的戲!好彩無入戲院睇,唔係割凳都有份!但係我熄機後好有衝動去界屋企張梳化…
Wednesday, 25 June 2008
-
新版鹿鼎記
用左一個禮拜煲完50集新版鹿鼎記, 真係有d失望.
黃曉明演韋小寶不算差, 但始終他太過靚仔, 而且睇睇下好似變左楊過.一個情深款款的韋小寶都幾難頂.
而且大陸電檢又cut左好多情節, 例如建寧公主"嗒"韋小寶果場咁重要竟然都cut, 真係激死. 搞到成套戲好唔連貫...
最可取的是靚女多, 韋小寶七個老婆個個都幾養眼, 最得就係洪夫人蘇荃, 完全演到果種味道, 掂
Chatboard (0)